Leyl... : cavidan.org

Leyl...

And olsun gecəyə;
And olsun gündüzə;
And olsun kişini və qadını yaradana ki,

vədə yetişincə
mən
səninçin etdiklərimə görə,
sən
mənimçin etmədiklərinə görə
utanacağıq yaman,
baxa bilməyəcəyik
bir-birimizin üzünə...

elə gözüyumulu
qısılıb qalacağıq
"bağışla..." sözünə...

çiyinlərimiz islanacaq
isti, duzlu damlalardan...

mən
sənindim axı,
sənə qayıdacaqdım...

unutduqmu..?